30 მარტი, 2022
ფარდაგისა და აქსესუარების დამზადების მასტერკლასი სახელოსნო "ფესვებში"
ა(ა) იპ წმინდა მეფე ვახტანგ გორგასლის სახელობის სკოლა ინტერნატის ეკოკლუბ ,,ეკოლოგები"ხელმძღვანელი ევგენია ხუციშვილი და ამავე სკოლის პედაგოგი ნინო ლოლაშვილი ესტუმრნენ ტრადიციული ქართული ფარდაგების აღდგენის სახელოსნოს ,,ფესვებს" , სადაც მასპინძლობა გაუწიათ ქალბატონმა ნინო ბახუტაშვილმა . მან საინტერესო ინფორმაცია მიაწოდა მოსწავლეებს.უღრმესი მადლობა ასეთი თბილი დახვედრისთვის მას და მის გუნდს. წარმატებები საქმიანობაში.
დედოფლისწყაროში საუკუნეების განმავლობაში იყო განვითარებული მეცხვარეობა და მატყლი სადაც არის იქ არის განვითარებული მეხალიჩეობა , მეფარდაგეობა მათ შორის ქიზიყში ,თუშეთში და სხვა. დედოფლისწყარო იყო მდიდარი რეგიონი თავისი შემოქმედებით . მე-20 საუკუნის 40 -იან წლებამდე მეფარდაგეობა შიდა მრეწველობის მნიშვნელოვანი დარგი იყო. შემდეგ ნელ ნელა დაიკარგა. 2006 წლიდან კვლავ დაიწყეს ამ მემკვიდრეობის აღდგენა. რისთვისაც სახელოსნოს წევრებს მოუწიათ ძალიან ბევრი შრომა .მათ აღადგინეს ბუნებრივი საღებავებით ძაფების ღებვა.პირველ რიგში შეისწავლეს ბიომრავალფეროვნება , იმისთვის რომ ბუნებისთვის არ მიეყენებინათ ზიანი. საღებავ მასალად იყენებენ : კაკლის წენგოს, ენდროს,ღუმელიდან იყენებენ ჭვარტლს, ასევე ხახვის ფოჩს და სხვა .
მოსწავლეებმა ძალიან ბევრი რამ გაიგეს და ემოციებს ვერ მალავდნენ. ყველაზე მეტად სახალისო და საინტერესო იყო მათთვის ქსოვის მასტერკლასი .
