ჩვენი სკოლის 10 კლასის მოსწავლეებმა მიიღეს მონაწილეობა გურჯაანის ტექნოპარკის "აგრო პრენერი"-ის კვირეულში. 5 დღის განმავლობაში მათ აქტიურად უტარდებოდათ ტრენინგები და დემო დღეს წარადგინეს ინოვაციური იდეა და თავისი ხელით შექმნილი პროტოტიპი .მათ დაიკავეს მესამე ადგილი,მიიღეს 200 ლარიანი ვაუჩერი და გახდნენ ჟიურის რჩეული .სკოლამ ასევე ბავშვებს ფასიანი საჩუქრები გადასცა მათი მიღწევისთვის. კიდევ მრავალ წარმატებებს ვუსურვებთ ჩვენს ბავშვებს!

კიდევ ერთი ლამაზი კორპორატიული საღამო. სკოლის 10 წლის იუბილეს, როგორც ყოველთვის ერთობით და სიყვარულით შევხვდით. ბედნიერებაა თქვენთან ერთად ყოფნა.

წელს ჩვენს სკოლას დაარსებიდან 10 წელი შეუსრულდა. ჩვენ ერთად დიდი გზა გამოვიარეთ სირთულეებითა და წარმატებებით სავსე. ერთად გავიხარეთ და გავძლიერდით!

მეუფე დიმიტრის დაუღალავმა შრომამ შედეგს მიაღწია და ეს ადგილი დიდი საგანმანათლებლო კერად იქცა, სადაც აღიზრდებიან პატრიოტი, სამშობლოსათვის თავდადებული და ეკლესიის ერთგული ადამიანები!

ჩვენი სკოლის ნიჭიერმა მოსწავლეებმა და მასწავლებლებმა სწავლის პირველი დღე მიულოცეს ჩვენს პატარა მეგობარ პირველკლასელებს, რომელთაც პირველად შეაბიჯეს ცოდნის დიდ და ჯადოსნურ სამყაროში!

ღონისძიების ბოლოს მცირე ფასიანი საჩუქრები გადაეცათ სკოლის მასწავლებლებს, მოსწავლეებსა და იმ ადამიანებს, რომლებიც 10 წლის განმავლობაში სკოლის ერთგულები და კეთილისმსურველნი არიან!

სკოლის სახელით მადლობას ვუხდით სკოლის დირექტორს მეუფე თეოდორეს გვერდში დგომისა და ზრუნვისთვის!

წარმატებულ და ნაყოფიერ სასწავლო წელს გისურვებთ ყველას!

სკოლის მოსწავლეებსა და თანამშრომლებს გილოცავთ 2024–2025 სასწავლო წლის დაწყებას.

გისურვებთ საინტერესო საგაკვეთილო პროცესსა და სასკოლო ცხოვრებასთან დაკავშირებულ დადებით მოგონებებს.

გვჯერა, რომ სკოლაში არსებული ერთმანეთის მიმართ დადებითი დამოკიდებულება და თანადგომის მაღალი კულტურა ხელს შეუწყობს თითოეულ ჩვენგანის მიზნის მიღწევას.

წარმატებების სურვილით,

სკოლის დირექტორი

დღეს ,სიღნაღის საქალაქო ბიბლიოთეკაში მოსწავლეთა კონკურსი ,,ჩვენი სიღნაღი ფერებში'', გაიმართა. კონკურსში 15 მოსწავლე მონაწილეობდა და მათ შეძლებისდაგვარად წარმოაჩინეს ნახატებში ქალაქი, რომელიც არაერთი დიდი მხატვრის ფერწერულ ტილოზე იქნა ასახული. ღონისძიების ორგანიზატორი გახლდათ ბიბლიოთეკის დირექტორი ,ქ-ნი ლიანა ხატიაშვილი.დონორი- ესპანეთში მცხოვრები სიღნაღელი მხატვარი,ქ-ნი მარია ხატიაშვილი,რომელსაც დიდ მადლობას ვუგზავნით .მონაწილეებისათვის მან გამოგზავნა მედლები, სუვენირები და სახატავი საშუალებები ,რაც ყველა მოსწავლეს გადაეცა.

პირველი ადგილი-დემეტრე ფოცხვერაშვილი,თბილისის 145-ე სკოლა,

მეორე ადგილი- მარიამ მინდორაშვილი, სიღნაღის სამხატვრო სკოლა,

მესამე ადგილი- მარიამ ქუფარაშვილი,სიღნაღის სამხატვრო სკოლა,

მესამე ადგილი-მარიამ კვესაძე- დედოფლისწყაროს წმ. ვახტანგ გორგასლის სახ. სკოლა-ინტერნატი,

ორიგინალური კომპოზიციები:

ნინო ვარდიაშვილი,ანაგის საჯარო სკოლა,

ნინო ბეჟაშვილი,ანაგის საჯარო სკოლა.

მადლობა ჟიურის: ლია ბეჟაშვილი- სიღნაღის რესურსცენტრის უფროსი, ნანა ნანობაშვილი-სიღნაღის საკრებულოს კულტურის, განათლების კომიტეტის თავმჯდომარე,ხათუნა აღამონაშვილი-სიღნაღის კულტურის და სპორტის სამსახურის უფროსი,ნათია ნადიკაშვილი-სახელოვნებო და საგანმანათლებლო ცენტრის უფროსი.

სამომავალოდ ,უფრო მასშატაბური კონკურსი დაიგეგმა ქრისტეშობისათვის და მონაწილეობის მსურველები უკვე უნდა შეუდგნენ მუშაობას( კონკურსში მიიღება უკვე შექმნილი ნახატები).

იმედია, დონორებიც შეემატებიან ამ შესანიშნავ წამოწყებას!

მე-9 კლასის მოსწავლეებმა მონაწილეობა მიიღეს კახეთის ტექნოპატკების მიერ ორგანიზებულ კონკურსში ,,steam გოგოები", ხუთი დღის განმავლობაში მათ უტარდებოდათ ტრენინგები მეწარმეობის სხვადასხვა ელექტრონული სენსერების ეკოსისტემებში გამოყენების შესახებ . ბოლოს კი წარმოადგინეს თავიანთი პროექტი.

2024 წლის 25 ივნისში 

ა(ა)იპ წმინდა მეფე ვახტანგ გორგასლის სახელობის სკოლა-ინტერნატის მეშვიდე კლასის მოსწავლემ თამაზ ალუღიშვილმა მონაწილეობა მიიღო კომაროვის სკოლისა და საქართველოს ბანკის პროექტში, სადაც მოიპოვა დაფინანსება და გახდა საქართველოს ბანკის სტიპენდიანტი. რვა თვიანი სასწავლო კურსის დასრულების შემდეგ, მას გადაეცა შესაბამისი სერთიფიკატი.

გილოცავთ და მომავალ წარმატებებს გისურვებთ!!!

ჩვენი სკოლის 10 კლასის მოსწავლემ, თეკლა ჯინაშვილმა მონაწილეობა მიიღო შვეიცარიული აგრალური სკოლა კავკასიის საზაფხულო ბანაკის შესარჩევ ტურში. ბანაკის მიზანი აგრალური პროფესიული განათლების პოპულარიზაცია იყო. მან წარმატებით გადალახა ორივე ტური და 3 დღით გაემგზავრა ბანაკში. სადაც საინტერესოდ გაატარა დრო. ჩაუტარდათ ტრენინგები აგრალური განათლების კუთხით, იმუშავეს ლაბორატორიაში, გაეცნენ შვეიცარიული ყველის დამზადების ტექნოლოგიას. დაამზადეს სხვადასხვა რძის პროდუქტები. პროგრამა დმანისში ექსკურსიით დაასრულეს. თეკლა ბანაკში მიღებულ ცოდნას და გამოცდილებას მეგობრებს გაუზიარებს. მადლობა შვეიცარიული აგრარული სკოლა კავკასია ∘ Swiss Agricultural School Caucasus-ას მოცემული შესაძლებლობისთვის. წარმატებები მოსწავლეებს.

წარმატებები თეკლას და ელენე მასწავლებელს

ჩვენო საყვარელო ბავშვებო, გისურვებთ წარმატებას ეროვნულ გამოცდებზე. არ აქვს მნიშვნელობა რა პროფესიის იქნებით.

მთავარია იყავით ღირსეული ადამიანები.

ჩვენ დარწმუნებული ვართ, რომ თქვენ იქნებით ეკლესიისა და ქვეყნის ერთგული ადამიანები და ღირსეული მოქალაქეები.

გვიყვარხართ და ჩვენ გვჯერა თქვენი!

დავამთავრეთ მეოთხე კლასინიჭიერი, ხალისიანი, მეგობრული და მუდამ მომღიმარი ბავშვებიდიდი მადლობა მადონა მასწავლებელს, რომელიც დაუღალავად ზრუნავდა თქვენზემადლობა ევგენია მასწავლებელს, რომელმაც არ დაიზარა და იშრომა ჩვენთან ერთად ლამაზი ღონისძიების ჩატარებისთვის და ძალიან დიდი მადლობა მშობლებს ასეთი აქტიური გვერდში დგომისთვისერთად მეტს შევძლებთ.

მიმდინარე წლის 7 ივნისს,ქ. დედოფლისწყაროს კულტურის სახლის მიმდებარე სკვერში, მოსწავლე-ახალგაზრდობის სახლის ინიციატივითა და ა.(ა).ი.პ.კულტურის, სპორტისა და ახალგაზრდობის ცენტრის ორგანიზებით, კონკურსი ,, ვაჟა -ფშაველა - მთის არწივი" გაიმართა.

კონკურსში მონაწილეობდნენ ქ.დედოფლისწყაროს N1, N2, სოფ.ხორნაბუჯის საჯარო სკოლებისა და მეფე ვახტანგ გორგასლის სახ.სკოლა- ინტერნატის მოსწავლეები.

კონკურსი გაიმართა ორ ნომინაციაში : ხატვასა და მხატვრულ კითხვაში.

შერჩეულმა ჟიურიმ გამოავლინა გამარჯვებულები.

მხატვრულ კითხვაში პირველი ადგილი დაიკავა ელენე თეთრაულმა.

ხატვაში პირველი საპრიზო ადგილი დაიკავა

ნინო ნატროშვილმა.

ღონისძიება მხატვრულად გააფორმა და საუკეთესო სიმღერისთვის გადაეცა სიგელები ჩვენი სკოლის მოსწვლეებს :ნათია წიკლაურს, საბა კოჭლამაზაშვილს, დავით ალადაშვილს.( ხელმძღვანელი გოდერძი აბულაშვილი)

საპრიზო ადგილზე გასულ ბავშვებს, ცენტრის დირექტორმა დოდო ხუნაშვილმა და მოადგილე გაგა პატაშურმა გადასცა ფასიანი საჩუქრები და სიგელები.

ყველა მონაწილეს კი ,გადაეცა სიგელები და მადლობის ბარათები კონკურსში აქტიური მონაწილეობისთვის.

4 ივნისს სამების საკათედრო ტაძრის ახალგაზრდული ცენტრის დარბაზში გაიმართა გასული წლის ხატვის კონკურსის ფინალური ღონისძიება: გამოფენა, დაჯილდოება. კონკურსანტებმა გარკვეული დროის განმავლობაში შეასრულეს 15 ნახატი ბიბლიურ თემებზე. უფროს ასაკობრივ ჯგუფში ჩვენი სკოლის მოსწავლემ ნინო ალუღიშვილმა ღირსეულად დაიკავა III ადგილი. ყველა მონაწილე ბავშვს: მარიამ კვესაძეს, ნინო ნატროშვილს, ქეთი ყაჭაშვილს, ელენე გიგაურს, მარიამ ზუბიაშვილს, ნინო ზურიკაშვილს, ლიზი ყანჩაშვილს, პედაგოგ ქეთევან საბიაშვილს და სკოლას გადაეცათ სიგელები. გილოცავთ, კიდევ ბევრჯერ გესახელებინოთ მშობლიური სკოლა!

2024 წლის 7 ივნისს დედოფლისწყაროს მუნიციპალიტეტის მენტორი მასწავლებლების ინიციატივითა და ადგილობრივი საგანმანათლებლო რესურსცენტრის მხარდაჭერით გაიმართა მუნიციპალური ინტერდისციპლინური მოსწავლეთა და მასწავლებელთა ერთობლივი კონფერენცია „სასკოლო განათლება-გამოწვევები და ინოვაციები“.

კონფერენციის მიზანს წარმოადგენდა მოსწავლეების, მასწავლებლებისა და განათლების საკითხებით დაინტერესებული ადამიანების გამოცდილების გაზიარება, მასწავლებელთა და მოსწავლეთა თანამშრომლობითი კულტურის გაძლიერება და პროფესიული განვითარება, პედაგოგთა მოტივაციის ამაღლების ხელშეწყობა, მუნიციპალიტეტის სკოლებს შორის ურთიერთობისა და კავშირების დამყარება, მოსწავლეებში შემოქმედებითი, თანამშრომლობითი და კომუნიკაციური უნარ-ჩვევების განვითარება, კრიტიკული აზროვნების ჩამოყალიბება და ნიჭიერი ახალგაზრდების გამოვლენა.

კონფერენციის ორგანიზატორები იყვნენ:

დედოფლისწყაროს მუნიციპალიტეტის სოფელ ხორნაბუჯის საჯარო სკოლის ქართული ენისა და ლიტერატურის მენტორი მასწავლებელი რუსუდან გონაშვილი;

ქალაქ დედოფლისწყაროს N1 საჯარო სკოლის ქართული ენისა და ლიტერატურის მენტორი მასწავლებელი თეონა ღონღაძე;

ქალაქ დედოფლისწყაროს N1 საჯარო სკოლის ინგლისური ენის მენტორი მასწავლებელი ეკა სეფიაშვილი;

ქალაქ დედოფლისწყაროს N2 საჯარო სკოლის ინგლისური ენის მენტორი მასწავლებელი მარინა შანშიაშვილი;

კონფერენციას ესწრებოდნენ დედოფლისწყაროს საგანმანათლებლო რესურსცენტრის უფროსი ქალბატონი მაკა ჯანაშვილი; სპმთ პროფკავშირის დედოფლისწყაროს რაიონული ორგანიზაციის ხელმძღვანელი ქალბატონი მაყვალა მაძღარაშვილი; ქ. დედოფლისწყაროს საგანმანათლებლო რესურსცენტრის უფროსი სპეციალისტი თეა ლეკაშვილი და მუნიციპალიტეტის საჯარო და კერძო სკოლის პედაგოგები.

კონფერენცია ჩატარდა წმინდა მეფე ვახტანგ გორგასლის სახელობის სკოლა ინტერნატში (დირექტორი თეა სხირტლაძე)

კონფერენციაზე წარმოდგენილი იყო შემდეგი თემები:

„ახალგაზრდებში სამოქალაქო პასუხისმგებლობის გაზრდა“ - ანი ფიროსმანაშვილი, ნატალი ტიკიშვილი, ლუკა მენთეშაშვილი გიორგი ღვედაშვილი - სსიპ ქ. დედოფლისწყაროს N1 საჯარო სკოლის მე-10, მე-12 კლასის მოსწავლეები (მასწავლებელი: ეკა სეფიაშვილი);

„როგორ გვეხმარება ქართულის გაკვეთილები უკეთ ცხოვრებაში“ - ლიკა ჯინაშვილი, ლალა ჩოფიკაშვილი - სსიპ დედოფლისწყაროს მუნიციპალიტეტის სოფელ ხორნაბუჯის საჯარო სკოლის მე-9 კლასის მოსწავლეები (მასწავლებელი: რუსუდან გონაშვილი);

„ამოცანების ამოხსნის სირთელეების დაძლევა 5-6 კლასებში" - სოფიკო ალადაშვილი - სსიპ ქ. დედოფლისწყაროს N2 საჯარო სკოლის მათემატიკის წამყვანი მასწავლებელი;

,,ინკლუზია ყველგან, ყველასთვის და ყოველთვის” - ლალი ნატროშვილი - სსიპ ქ. დედოფლისწყაროს N1 საჯარო სკოლის წამყვანი სპეციალური მასწავლებელი;

„კოლბერგის მორალისტური განვითარების თეორიის გამოყენება ლიტერატურული პერსონაჟების უკეთ აღსაქმელად“ - ეთერ ალადაშვილი - სსიპ ქ. დედოფლისწყაროს N2 საჯარო სკოლის ქართული ენისა და ლიტერატურის წამყვანი მასწავლებელი;

„ელექტრონული რესურსების გამოყენება მათემატიკის გაკვეთილზე“ - გიული ყოჩიაშვილი - სსიპ დედოფლისწყაროს მუნიციპალიტეტის სოფელ ხორნაბუჯის საჯარო სკოლის მათემატიკის წამყვანი მასწავლებელი;

„პროექტებით სწავლების როლი სასკოლო ცხოვრებაში“ - ხათუნა სულაშვილი - სსიპ ქ. დედოფლისწყაროს N1 საჯარო სკოლის მათემატიკის წამყვანი მასწავლებელი;

„საწრეო და საკლუბო მუშაობა“ - ნინო ფიროსმანაშვილი - სსიპ დედოფლისწყაროს მუნიციპალიტეტის სოფელ ხორნაბუჯის საჯარო სკოლის ფიზიკის მასწავლებელი;

,,სპეციალური მასწავლებლის როლი ინკლუზიურ განათლებაში'' - ირინა ფიროსმანაშვილი - სსიპ ქ. დედოფლისწყაროს N2 საჯარო სკოლის წამყვანი სპეციალური მასწავლებელი;

,,ხელნაკეთი რესურსების გამოყენება მათემატიკის გაკვეთილზე დაწყებით კლასებში" - ბელა სულაშვილი - სსიპ ქ. დედოფლისწყაროს N1 საჯარო სკოლის დაწყებითი კლასის წამყვანი მასწავლებელი;

„ფინანსური განათლების ხელშეწყობა ინგლისური ენის გაკვეთილებზე“ - მარინა შანშიაშვილი - სსიპ ქ. დედოფლისწყაროს N2 საჯარო სკოლის ინგლისური ენის მენტორი მასწავლებელი;

„ხარისხიანი განათლება“ - თეონა ღონღაძე - სსიპ ქ. დედოფლისწყაროს N1 საჯარო სკოლის ქართული ენისა და ლიტერატურის მენტორი მასწავლებელი.

კონფერენცია გახსნა დედოფლისწყაროს მუნიციპალიტეტის საგანმანათლებლო რესურსცენტრის უფროსმა მაკა ჯანაშვილმა.

წარმოდგენილ მოხსენებებს საინტერესო დისკუსია მოყვა

და დასასრულს კონფერენციის ყველა მონაწილეს გადაეცათ სერტიფიკატები.

დიდი მადლობა ყველა მონაწილე მასწავლებელს და განსაკუთრებული მადლობა წმინდა მეფე ვახტანგ გორგასლის სახელობის სკოლა ინტერნატიის დირექტორ თეა სხირტლაძეს

მიმდინარე წლის 31 .05-01.06., ქ.თელავში ჩატარდა რესპუბლიკური ტურნირი სწრაფ ჭადრაკში.(25 წთ.+10 წამი),სადაც მონაწილეობდნენ დედოფლისწყაროელი მოჭადრაკეები.( ხელმძღვანელი გიორგი კიკილაშვილი)

12 წლამდე გოგონებში ვერცხლის მედალი დაიმსახურა სალომე კვიწინაშვილმა, ხოლო, 10 წლამდე ვაჟებში ბრინჯაოს პრიზიორი გახდა მათე მარტყოფლიშვილი.

ვულოცავთ ბავშვებს და მათ ხელმძღვანელს რესპუბლიკურ ტურნირზე წარმატებას.

ჩვენი სკოლის მოსწავლეები: ნინო ალუღიშვილი, ნინო ნატროშვილი, მარიამ კვესაძე, ელენე გიგაური, გიორგი კოჭლამაზაშვილი, ნინო ზურიკაშვილი, იოანა ბულაშვილი, ლიზი ყანჩაშვილი და მარიამ თეთვაძე მონაწილეობას იღებენ საპატრიარქოს ახალგაზრდული ცენტრის მიერ გამოცხადებულ კონკურსში: "ნახატები ბიბლიურ თემებზე". 28 მაისს სამების საკათედრო ტაძრის ტერიტორიაზე გაიმართა II ტური_ "ხატვის დღე", კონკურსანტებს წაუკითხეს ამონარიდი ძველი და ახალი აღთქმიდან, რომლის მიხედვითაც შეასრულეს ნახატი. ჩვენს ბავშვებს ვუსურვებთ წარმატებებს.

ოცდაშვიდ მაისს რუსთავის N4 საჯარო სკოლაში გაიმართა საქართველოს საპატრიარქოს ახალგაზრდული ცენტრის მიერ ორგანიზებული კონკურსის " ჩვენ ვსწავლობთ ბიბლიას" ნახევარ ფინალური ტურნირი.ჩვენი სკოლის გუნდი ლალიანა უთრუთაშვილის, თებრონია ლომსაძის, მარიამ იაკობიშვილის და გიორგი ალუღიშვილის შემადგენლობით რუსთავის N 5 სკოლის მოსწავლეებს შეხვდა.თამაში ჩვენი მოსწავლეების გამარჯვებით დამთავრდა., რითაც მათ ფინალში მონაწილეობის უფლება მოიპოვეს.

ჩვენს გუნდს ვუსერვებთ წლევანდელი ტურის წარმატებით დამთავრებას და ფინალში გამარჯვებას!

პედაგოგი: ნელი აფციაური

ვცდილობთ ყოველთვის მხარში დავუდგეთ მსგავს პროექტებს და ჩვენს სივრცეში მივცეთ საშუალება, კომფორტულად წარიმართოს შეხვედრები

მსოფლიო ბანკის მხარდაჭერით, საქართველოში ადრეული და სკოლამდელი აღზრდისა და განათლების გაუმჯობესების მიმართულებით აქტიური სამუშაოები მიმდინარეობს.

I2Q პროექტისა და SDSU-ს თანამშრომლობით, დედოფლისწყაროს მუნიციპალიტეტში საბავშვო ბაღების ადმინისტრაციული და საგანმანათლებლო პერსონალის პროფესიული განვითარების ტრენინგების ციკლი ტარდება.

ვრცლად https://bit.ly/3UQnKbo

With the support of the World Bank, active work is underway to improve early and preschool education in Georgia.

With the cooperation of the I2Q Project and San Diego State University, a cycle of professional development trainings for the administrative and educational staff of kindergartens is being held in Dedoplistskaro Municipality.

Read more