სიახლეები

        • სპორტი

          • სპორტი

            04/05/2026

            საქართველოს თასზე კინგბოქსინგში მეორე საპრიზი ადგილი.
            ა(ა)იპ წმინდა მეფე ვახტანგ გორგასალის სახელობის სკოლის მეხუთე კლასის მოსწავლეს სურენ ტუმასიანს ვულოცავთ საპრიზო ადგილის ღირსეულად დაკავებას და ვუსურვებთ მომავალში ულევ წარმატებებს.

        • ,,დედამიწის დღე,,

          • ,,დედამიწის დღე,,

            04/05/2026

            ა(ა)იპ წმინდა მეფე ვახტანგ გორგასალის სახელობის სკოლის მეხუთე კლასის მოსწავლეებმა დედამიწის დღესთან დაკავშირებით ისაუბრეს დედამიწის ეკოლოგიური პრობლემების აქტუალურ საკითხებზე, შექმნეს ნახატები და აიმაღლეს ცნობიერება.

        • "არტ-ფოლკ ფესტ"

          • "არტ-ფოლკ ფესტ"

            04/05/2026

            ა(ა)იპ წმინდა მეფე ვახტანგ გორგასალის სახელობის სკოლასთან არსებული ცეკვის ანსამბლი " ქიზიყი".

            საერთაშორისო ფესტივალი "არტ-ფოლკ ფესტ"

            ქალაქი თელავი , ვაჟა-ფშაველას სახელობის პროფესიული სახელმწიფო დრამატული თეატრი .

            მხარდამჭერი ორგანიზაციები:

            კულტურის ინსტიუტი, იუნესკოს ცეკვის საერთაშორისო საბჭო (CID), ფოლკლორული ფესტივალების ევროპული ასოციაცია - (EAFF), ვარდის სახლი.

            მადლობა ანსამბლის ხელმძღვანელს თამაზი ღვალაძე ქიზიყი დაუღალავი შრომისა და თითოეულ ბავშვზე ზრუნვისთვის.

            15
        • ,,საოცარი პითაგორა,,

          • ,,საოცარი პითაგორა,,

            04/05/2026

            წმინდა მეფე ვახტანგ გორგასალის სახელობის სკოლის მე-8 კლასის მოსწავლეებმა წარმოადგინეს პროექტი მათემატიკაში - ,,საოცარი პითაგორა". მოსწავლეებმა მოიძიეს საინტერესო მასალები ძველი ბერძენი ფილოსოფოსისა და მათემატიკოსის პითაგორას შესახებ. მსმენელს შესთავაზეს პითაგორას თეორემის დამტკიცების სხვადასხვა ვარიანტები. ისაუბრეს პითაგორული სკოლის მნიშვნელობაზე. ასეთი პროექტები უზრუნველყოფს მოსწავლეებში მათემატიკისადმი ინტერესს და მათემატიკური აზროვნების განვითარებას.

            8
        • მილოცვა

          • მილოცვა

            04/05/2026

            სკოლის პედაგოგიური კოლექტივის, მოსწავლეებისა და მშობლების სახელით, სიყვარულითა და ღრმა პატივისცემით ვულოცავთ დაბადების დღეს ჩვენი სკოლის დირექტორს, ხორნაბუჯისა და ჰერეთის ეპარქიის დროებით მმართველს, ახალციხისა და ტაო-კლარჯეთის მიტროპოლიტს — მეუფე თეოდორეს.

            ეს დღე ჩვენთვის განსაკუთრებული მადლიერების გამოხატვის მიზეზია. გულითად მადლობას გიხდით იმ მზრუნველობისთვის, სითბოსა და სულიერი თანადგომისთვის, რომელსაც მუდმივად გვაგრძნობინებთ. თქვენი მამობრივი დამოკიდებულება, სიყვარული და მხარდაჭერა ჩვენთვის განსაკუთრებით ძვირფასია — თქვენ არ გვაგრძნობინებთ სულიერ დაობლებას, მუდამ გვამხნევებთ და გვაძლიერებთ. თქვენი გვერდში დგომა ჩვენს სკოლას სიმტკიცესა და იმედს ჰმატებს.

            გისურვებთ ჯანმრთელობას, სულიერ სიმტკიცეს, მშვიდობასა და ღვთის უხვ წყალობას. დაე, ყოველი დღე იყოს მადლით აღსავსე, ხოლო თქვენი ღვაწლი კიდევ მრავალი კეთილი საქმის საფუძველი გამხდარიყოს!

            უფალმა დაგლოცოთ და გაგაძლიეროთ!

            მრავალჟამიერ თქვენს მეუფებას!

            მრავალჟამიერ თქვენი სიცოცხლე!

            იხარეთ ორსავ სოფელსა შინა!

        • მილოცვა

          • მილოცვა

            04/05/2026

            სკოლის სახელით, დიდი პატივით, სითბოთი და სიხარულით ვულოცავთ დაბადების დღეს ჩვენი სკოლის თანამშრომელს - ბატონ მიხეილ ტეფნაძეს.

            მისი ყოველდღიური საქმიანობა სავსეა პასუხისმგებლობით, ზრუნვითა და გულწრფელი მხარდაჭერით, რაც თითოეული მოსწავლისა და თანამშრომლისთვის განსაკუთრებულად ფასეულია. იგი ქმნის გარემოს, სადაც თითოეული ადამიანი გრძნობს ყურადღებას, მხარდაჭერასა და ნდობას.

            ვუსურვებთ ახალ შესაძლებლობებს, პროფესიულ წინსვლას, წარმატებებით სავსე გზას და უამრავ მიღწევას მომავალშიც.

            გისურვებთ ჯანმრთელობას, სულიერ სიმშვიდეს, სიხარულითა და სიყვარულით სავსე დღეებს, უფლის წყალობასა და მფარველობას!

            მადლობას გიხდით იმ სიკეთისთვის, რომელსაც ასე გულწრფელად და დაუზოგავად თესავთ ჩვენს სასწავლო სივრცეში.

        • 9 აპრილი

          • 9 აპრილი

            04/05/2026

            9 აპრილი – დღე მწუხარებისა და დღე სიხარულისა... დღეს თავისუფლებისა და დამოუკიდებლობის 36 წელი გავიდა.

            1989 წლის 9 აპრილი სამუდამოდ დარჩა ჩვენს ისტორიაში როგორც ერთ-ერთი ყველაზე მტკივნეული, მაგრამ ამავდროულად ყველაზე ბედნიერი დღე. დღე, როცა თავისუფლების სურვილმა გადააჭარბა შიშს, რომელსაც 21 ჩვენი თანამემამულე შეეწირა.

            ამ ტრაგიკულ დილას თბილისში, რუსთაველის გამზირზე, საბჭოთა ჯარმა მშვიდობიანი მომიტინგეების, თავისუფლებამოწყურებული ქართველი ხალხის დარბევა დაიწყო..

            უხმოდ ებრძოდა ერთმანეთს ჯარი და უიარაღო ხალხი... მოგვიანებით, 1991 წლის 9 აპრილს (31 მარტის რეფერენდუმის საფუძველზე) საქართველოს დამოუკიდებლობა გამოცხადდა ,,აღსრულდა ნება ქართველი ერისა"...

            ჩვენი სკოლის მოსწავლეებმა და პედ.კოლექტივმა პატივი მიაგო 9 აპრილის გმირებს, რომლებიც მტკიცედ იდგნენ 9 აპრილის დღეს და უკან დახევაზე არც უფიქრიათ -

            ”არა! ფიცი გვაქვს ნათქვამი! ღმერთს შევფიცეთ!”

            12
            ვიდეოს ნახვა
            ვიდეოს ნახვა
        • ჩვენი სკოლის მოსწავლე ამერიკაში ისწავლის!

          • ჩვენი სკოლის მოსწავლე ამერიკაში ისწავლის!

            04/05/2026

            მოხარულები ვართ გაგიზიაროთ სასიხარულო ინფორმაცია ჩვენი სკოლის მე-11 კლასის მოსწავლემ, ქეთევან ყაჭაშვილმა, წარმატებით გაიარა აშშ-ის სახელმწიფო დეპარტამენტის მიერ დაფინანსებული FLEX (Future Leaders Exchange) პროგრამის ყველა ეტაპი და გახდა ფინალისტი

            ეს წარმატება განსაკუთრებით გამორჩეულია, რადგან კონკურენცია პროგრამაში ძალიან მაღალია ყოველწლიურად FLEX-ზე მონაწილეობას ათიათასობით მოსწავლე იღებს სხვადასხვა ქვეყნიდან, ხოლო ფინალისტი ხდება მხოლოდ მცირე პროცენტი (დაახლოებით 2-3%-ზე ნაკლები) საქართველოდანაც ათასეულობით აპლიკანტიდან მხოლოდ რამდენიმე ათეული გადის საბოლოო ეტაპამდე

            ამ გამარჯვების მიღმა თვეების განმავლობაში გაწეული უდიდესი შრომა დგას ქეთიმ გაიარა ურთულესი კონკურსი, რომელიც რამდენიმე გადამწყვეტ საფეხურს მოიცავდა

            I ეტაპი: აპლიკაცია და სამი ესე სადაც საკუთარი პიროვნება, ლიდერული თვისებები და ფასეულობები უნდა წარმოეჩინა

            II ეტაპი: ინგლისური ენის კომპლექსური ტესტირება

            III ეტაპი: ინდივიდუალური ინტერვიუ, ჯგუფური აქტივობები და კიდევ სამი ესეს დაწერა შეზღუდულ დროში (45 წუთში) ასევე, ვრცელი აპლიკაციის მომზადება, რომელიც მოიცავდა მის მიღწევებს, აქტივობებს, წერილს მასპინძელი ოჯახისთვის, აკადემიურ ნიშნებსა და რეკომენდაციებს

            მნიშვნელოვანია აღინიშნოს, რომ ქეთისთვის ეს გზა მხოლოდ გამარჯვებებით არ ყოფილა მოკირწყლული ამ დიდ წარმატებამდე იყო ბევრი მცდელობა, უძილო ღამეები და არაერთი იმედგაცრუება თუმცა სწორედ მისმა ნებისყოფამ არ დანებებულიყო და ყოველი „არა“-ს შემდეგ უფრო მეტი ემუშავა საკუთარ თავზე მიიყვანა იგი ამ საოცარ შედეგამდე

            პროგრამა სრულად ფინანსდება აშშ-ის მთავრობის მიერ ქეთი მიიღებს სრულ სტიპენდიას, რომელიც ფარავს მგზავრობის, საცხოვრებლისა და სწავლის ხარჯებს ის ერთი სასწავლო წლით ამერიკულ ოჯახში იცხოვრებს, ამერიკულ სკოლაში მიიღებს განათლებას და დაენიშნება ყოველთვიური სტიპენდიაც .

            ჩვენი სკოლა ამაყობს ქეთევანით ვუსურვებთ მას ამერიკაში წარმატებულ და თავგადასავლებით სავსე წელს შენი მაგალითი კიდევ ერთხელ ამტკიცებს, რომ დაუღალავი შრომითა და მიზანდასახულობით ყველა მწვერვალის დაპყრობა შესაძლებელია

        • გიორგი ერისთავის პიესა ,, გაყრა''

          • გიორგი ერისთავის პიესა ,, გაყრა''

            01/12/2025

            დღეს, 25 ნოემბერს ჩვენი სკოლის მე-11 კლასის მოსწავლეებმა წარმოგვიდგინეს გიორგი ერისთავის პიესა ,, გაყრა''.

            მართალია, ნაწარმოები პირველად 1850 წელს დაიდგა, მაგრამ აქტუალობა დღესაც არ დაუკარგავს. დღესაც ისეთივე მნიშვნელოვანია ადამიანის მორალურ-ეთიკური სნეულებები, გულგრილობა, ცინიზმი, ანტიქართველობა და ანგარება.

            ადამიანის იმგვარი დაცემა, რომელსაც ნაწარმოებში ვხვდებით ტრაგედიაა და დაკავშირებულია ადამიანის სულიერ დაპატარავებასთან, რწმენისა და სიყვარულის დეფიციტთან.

            ჩვენმა მოსწავლეებმა გასაოცარი შესრულების მანერით, თანამედროვეობასთან შესაბამისობით სრულიად ახლებურად გაგვიცოცხლეს შესწავლილი ნაწარმოები. კიდევ ერთხელ მადლობა ჩვენს უნიჭიერეს მოსწავლეებს ასეთი პოზიტიური განწყობის შექმნისათვის.

            პედაგოგი თეონა ღონღაძე

            20
        • მე-11 კლასის მეწარმეთა კლუბის ფესტივალი ჩვენს სკოლაში!

          • მე-11 კლასის მეწარმეთა კლუბის ფესტივალი ჩვენს სკოლაში!

            01/12/2025

            ჩვენს სკოლაში გაიმართა მე-11კლასის მეწარმეთა კლუბის მიერ ორგანიზებული ფესტივალი-გამოფენა/გაყიდვა, სადაც მოსწავლეებმა საკუთარი იდეები, შემოქმედებითი უნარები და მცირე ბიზნეს-პროექტები წარმოაჩინეს.

            ფესტივალზე წარმოდგენილი იყო:

            • ჩვენი ხელით მომზადებული საკვები და ტკბილეული

            • სახის მოხატვა

            • სხვადასხვა სახის ხელნაკეთი პროდუქტები და კრეატიული ნივთები

            • სასიამოვნო მუსიკა, რომელმაც კიდევ უფრო გაახალისა ფესტივალი.

            ღონისძიება მიზნად ისახავდა მოსწავლეებში მეწარმეობის განვითარებას, გუნდურ მუშაობას და პრაქტიკული გამოცდილების შეძენას. სტუმრების მხრიდან დიდი ინტერესი და მხარდაჭერა მივიღეთ, რამაც მოგვცა მოტივაცია, რომ მომავალში უფრო მასშტაბური პროექტები შევქმნათ.

            მადლობა ყველა მონაწილეს, სტუმარს და მასწავლებელს, ვინც ამ დღეზე საკუთარი წვლილი შეიტანა!

            პედაგოგი ელენე ოგბაიძე

            15
        • ნოდარ დუმბაძის "ბოშები"

          • ნოდარ დუმბაძის "ბოშები"

            01/12/2025

            მერვე კლასში ქართული ლიტერატურის ერთ-ერთი ყველაზე შთამბეჭდავი და ჰუმანური ნაწარმოები, ნოდარ დუმბაძის "ბოშები", შევისწავლეთ და განვიხილეთ.

            მოსწავლეებმა გააანალიზეს და გაითავისეს ომის შემდგომი ეპოქა, ადამიანური სითბო, თავისუფლება და ტკივილი. კლასში გაიმართა აქტიური დისკუსია სტერეოტიპების, მიუღებლობის დაძლევისა და მოთხრობაში ასახული მთავარი მორალური საკითხების შესახებ.

            ნაწარმოების უკეთ გასაგებად, ვუყურეთ მხატვრულ ფილმს და განვიხილეთ, რამაც მოსწავლეებს საშუალება მისცა, ლიტერატურული მასალა ვიზუალურ ინტერპრეტაციასთან შეედარებინათ და კრიტიკულად შეეფასებინათ ორივე ფორმატი.

            ცოდნის განმტკიცებისა და თემის გაფართოების მიზნით, მოსწავლეებმა მოამზადეს და წარადგინეს პრეზენტაციები ბოშათა კულტურისა და ისტორიის შესახებ, რაც ემსახურებოდა კულტურული მრავალფეროვნების დაფასებასა და ტოლერანტული დამოკიდებულების გაღრმავებას.

            სწავლა- სწავლების ეს მოდელი, მოსწავლეებს დაეხმარა, ლიტერატურული ტექსტის მიღმა სიღრმისეულად გაეაზრებინათ სოციალური, კულტურული და ისტორიული კონტექსტი. მათ შეიძინეს კრიტიკული აზროვნების უნარი და გაითავისეს, თუ რაოდენ მნიშვნელოვანია ჰუმანური დამოკიდებულება ნებისმიერი ადამიანის მიმართ.

            ვიდეოში ასახულია მოსწავლეების აქტიური ჩართულობა და ნამუშევრების წარდგენის მომენტები.

            პედაგოგი: მარი ჩალახეშაშვილი

            ვიდეოს ნახვა
        • "ნახატები ბიბლიურ თემებზე"

          • "ნახატები ბიბლიურ თემებზე"

            01/12/2025

            გრძელდება საპატრიარქოს ახალგაზრდული ცენტრის მიერ გამოცხადებული კონკურსი "ნახატები ბიბლიურ თემებზე". მასში მონაწილეობას იღებენ ჩვენი სკოლის მოსწავლეები: ნინო ალუღიშვილი (XIIკლ), თეკლა შეითნიშვილი (IVკლ), ნატალია სესიტაშვილი (IIკლ), მარიამ ბაიდოშვილი (IIკლ) და მელანია ლობჯანიძე (IIკლ) პედაგოგ ქეთევან საბიაშვილის ხელმძღვანელობით. მათ შეასრულეს მესამე ტურის დავალება 7_7 ნახატი მითითებულ ბიბლიურ სიუჟეტებზე. წარმატებებს ვუსურვებთ ჩვენს მოსწავლეებს!

            8
        • მასწავლებლის ეროვნული დღე

          • მასწავლებლის ეროვნული დღე

            01/12/2025

            მასწავლებლობა? ეს ხომ ღვთივკურთხეული პროფესიაა.

            იყო მასწავლებელი ძალზედ რთულია, თუმცა ამავე დროს უნიკალური და ამაღლებული.

            მასწავლებლობა გულისხმობს არამხოლოდ ცოდნის გაზიარებას, არამედ სულიერი თუ პიროვნული, პროფესიული ცხოვრების გზის გაკაფვას.

            ზოგიერთი დღე რთულია, როდესაც შეცდომები და არასწორი ნაბიჯები ქმნიან დაბრკოლებებს, მაგრამ ამ ყველაფერს მუდმივად თან ახლავს სიხარული, მოსწავლეების მხრიდან პატივისცემა და დაფასება რომელიც გახსენებს, რომ შენს შრომას ფუჭად არ ჩაუვლია..

            რა საოცარი სანახავია, მოსწავლეები მასწავლებლის ამპლუაში. როდესაც იაზრებენ, რომ მასწავლებლობა დიდი პასუხისმგებლობაა, ხიდია აწმყოსა და მომავალს, იმედებსა და შესაძლებლობებს შორის..

            მასწავლებლის ეროვნული დღისადმი მიძღვნილ ღონისძიებაზე ჩვენი სკოლის ნიჭიერმა უფროსკლასელებმა სასიამოვნო საღამო გვაჩუქეს.

            ვუყურებთ ჩვენი სკოლის მოსწავლეებს, მათ გასხივოსნებულ სახეებს და ვრწმუნდებით, რომ ისინი, მართლაც, უკეთესი და ნათელი მომავლის საწინდარები არიან!

            კოლეგებო, გილოცავთ პროფესიულ დღეს! უამრავ კარიერულ წინსვლასა და წარმატებას გისურვებთ!

            7
            ვიდეოს ნახვა
            ვიდეოს ნახვა
            ვიდეოს ნახვა
            ვიდეოს ნახვა
            ვიდეოს ნახვა
        • სპორტული ოლიმპიადა მინი ფეხბურთში

          • სპორტული ოლიმპიადა მინი ფეხბურთში

            01/12/2025

            დედოფლისწყაროს მუნიციპალიტეტის საჯარო და კერძო სკოლებს შორის, გაიმართა 2025–2026 სასწავლო წლის სასკოლო სპორტული ოლიმპიადა მინი ფეხბურთში.

            გამარჯვებული გახდა ჩვენი სკოლის გუნდი.

            გილოცავთ ზურა მასწავლებელო და ჩვენო ჩემპიონო ბიჭებო.

            წინ მრავალი წარმატება გელით

        • ,,ქართული გალობა"

          • ,,ქართული გალობა"

            01/12/2025

            მიუხედავად იმისა,რომ ბავშვებს არ ეძლეოდათ ერთად მეცადინეობის საშუალება, მათ მაინც შეძლეს ამ შედეგის დადება. საქართველოს საგუნდო საზოგადოების lX ეროვნულ კონკურსში, კატეგორია ,,ქართული გალობა" მოიპოვეს ვერცხლის მედალი. ვულოცავ ბავშვებს წარმატებულ გამოსვლას და მომავალში უამრავ წარმატებებს ყველა სფეროში