"წიგნი არის ოცნება, რომელიც შეგიძლია ხელში დაიჭირო. ''(ნილ გეიმანი) ის ხომ ბავშვისთვის ჯადოსნური კარია, რომელიც საოცარ სამყაროში მოგზაურობას ჰპირდება. ამ პატარა კარის გაღება არის დასაწყისი სამყაროს გაცნობისა და საკუთარი შინაგანი სამყაროს მშვენიერების აღმოჩენისა.
წიგნი ბავშვისთვის არა უბრალოდ ისტორია, არამედ უცნობი სამყაროს პირველი, ყველაზე ტკბილი გასაღებია. წიგნის საჯარო კითხვის კვირეულიც ხომ ამას ემსახურება, აამაღლოს წიგნის სიყვარული სკოლის მოსწავლეებში. გაეცნონ და იმოგზაურონ სრულიად განსხვავებულ, ზღაპრულ და ფერად სამყაროში...
კვირეულის ფარგლებში დედოფლისწყაროს მუნიციპალიტეტის მერი ნიკოლოზ ჯანიაშვილი ჩვენს სკოლას ეწვია და სკოლის ბიბლიოთეკას მხატვრული ლიტერატურა საჩუქრად გადასცა.
ჩვენი სკოლის პედკოლექტივის სახელით მადლობას ვუხდით ბ-ნ ნიკოლოზს ასეთი ძვირფასი საჩუქრისთვის.