21 მაისს , ა(ა) იპ წმინდა მეფე ვახტანგ გორგასლის სახელობის სკოლაში ბოლო ზარი დაირეკა მეთორმეტე კლასის მოსწავლეებისთვის.

გილოცავთ, ბავშვებო!

დღეს თქვენთვის სკოლის მოსწავლეობა სრულდება და ამიერიდან მოულოდნელობებითა და სიახლეებით დატვირთული მომავალი გელით!

გისურვებთ უთვალავ წარმატებას ახალ ეტაპზე!

გახსოვდეთ, თქვენ ხართ ჩვენი ქვეყნის მომავალი!

ღირსეულად გევლოთ ცხოვრების გზაზე ქვეყნისა და ოჯახის საიმედოდ!

საქართველოს ეროვნული არქივის მიერ გამართულ სასკოლო ჩემპიონატში — "საქართველოს პირველი რესპუბლიკა", წარმატებით მონაწილეობდნენ ჩვენი სკოლის მე-11 კლასის მოსწავლეები: ლიზა კოჭლამაზაშვილი, მარიამ პოპიაშვილი, ანა იაკობიშვილი, ანა თარალაშვილი, ლაშა ღორაშვილი. ჩემპიონატი გაიმართა რა? სად? როდის? პრინციპით, რომელშიც მონაწილეობდა 250-ზე მეტი სკოლა საქართველოს მასშტაბით.

ა(ა)იპ წმინდა მეფე ვახტანგ გორგასლის სახელობის სკოლის მე_5,მე_7,მე_8 და მე_9 კლასის მოსწავლეები აქტიურად ჩაერთნენ სასკოლო პროექტში და მოამზადეს საინტერესო პრეზენტაციები ინგლისურ ენაზე სხვადასხვა ეკოლოგიურ საკითხებზე.მათ ისაუბრეს მდგრადი განვითარების მიზნებზე და აქედან ყურადღება გაამახვილეს ბიომრავალფეროვნების დაცვაზე, ჰაერის დაცვაზე დაბინძურებისაგან, წყლის რესურსების დაცვაზე და მდგრად მართვაზე, ნარჩენების მართვაზე, კლიმატის ცვლილებაზე და ბუნებრივი საფრთხეების შემცირებაზე.მათ კიდევ ერთხელ შეგვახსენეს, რომ,, კლიმატის ცვლილება აღარაა შორეული პრობლემა,ის ხდება აქ,ის ხდება ახლა."გავუფრთხილდეთ დედამიწას ის ყველას სახლია!

,,შენ არ მიგიღია დედამიწა მემკვიდრეობით შენი წინაპრებისგან, შენ მას შენი შვილებისაგან სესხულობ."(ანტუან დე სენტ_ეგზიუპერი).

პედაგოგები:მადონა ხუციშვილი და ლინა შაბანოვა.

ა(ა)იპ წმინდა მეფე ვახტანგ გორგასლის სახელობის სკოლაში წინასწარ ვიზეიმეთ აღდგომა უფლისა ჩვენისა იესო ქრისტესი...

მინდა, უღრმესი მადლობა გადავუხადო მონაწილეებს!

ღონისძიების ორგანიზატორი: ქართული ენისა და ლიტერატურის პედაგოგი მარი ჩალახეშაშვილი

ა(ა)იპ წმინდა მეფე ვახტანგ გორგასლის სახ. სკოლა_ინტერნატში დედამიწის დღესთან დაკავშირებით l, ll, და lll კლასის მოსწავლეების ჯგუფური და ინდივიდუალური ნამუშევრები გამოიფინა.

ჩვიდმეტ აპრილს თიანეთის მეორე საჯარო სკოლაში გაიმართა საპატრიარქოს ახალგაზრდული ცენტრის კონკურსის " ჩვენ ვსწავლობთ ბიბლიას" მეოთხედფინალური ტური. ჩვენი სკოლის გუნდი ლალიანა უთრუთაშვილის, გიორგი ალუღიშვილის,თებრონია ლომსაძის და მარიამ იაკობიშვილის შემადგენლობით შეხვდა თბილისის ქართულ - ინგლისური სკოლის "ბრიტანიკის" და თიანეთის მეორე საჯარო სკოლის მოსწავლეებს. ჩვენმა მოსწავლეებმა კვლავ ასახელეს მშობლიური სკოლა და გამარჯვებით გადავიდნენ ნახევარფინალში.
ჩვენს მოსწავლეებს ვუსურვებთ წარმატებებს და გამარჯვებას ამ კონკურსში.პედაგოგი ნელი აფციაური

მე-9 კლასის მოსწავლეებმა ქართული ენისა და ლიტერატურის გაკვეთილზე შესწავლილ ქართველ და უცხოელ მწერალთა შემოქმედებაზე დაყრდნობით მოამზადეს სიყვარულის დღისადმი მიძღვნილი ღონისძიება. მადლობა თქვენ ჩვენო ქვეყნის მომავალო, რომ ხართ ის, ვინც ხართ! ყოველი დღე ყოფილიყოს ერთმანეთის სიყვარულით გამთბარი.მადლობა თეონა ღონღაძე მასწავლებელს

1978 წლის 14 აპრილს ქართული ენის დასაცავად თბილისში მასობრივი გამოსვლა დაიწყო. ათასობით ადამიანი გამოვიდა და საბჭოთა რეჟიმს დაუპირისპირდა. ქართველი ხალხის ერთსულოვნებამ შეგვინარჩუნა ენა, საბჭოთა რეჟიმი იძულებული გახდა დათმობაზე წასულიყო და სახელმწიფო ენად ქართული გამოცხადებულიყო.

მერვე კლასის მოსწავლეებმა მოამზადეს პრეზენტაციები თემაზე ,,ქართული ხელნაწერების კვალდაკვალ’’. ხოლო მეხუთე კლასის მოსწავლეებმა დედაენისა და ქართული ენის თემაზე წარმოადგინეს ლექსები, ჩანახატები, პოსტერი. ასევე გაეცნენ ქართული ანბანის განვითარების საფეხურებს.

12 აპრილს, მოსწავლე-ახალგაზრდობის სახლში ინტელექტუალური კონკურსი გაიმართა.ორგანიზატორი- ინტელექტუალური წრის ხელმძღვანელი-თამარ აბულაძე. მონაწილეობდნენ ქ.დედოფლისწყაროს N2 საჯარო სკოლისა და ა(ა)იპ წმინდა მეფე ვახტანგ გორგასლის სახელობის სკოლა-ინტერნატის მე-6 კლასის მოსწავლეები.კონკურსი ორ ტურად ჩატარდა.მოსწავლეები ინდივიდუალურად პასუხობდნენ დასმულ კითხვებს.სპეციალურად შერჩეულმა ჟიურიმ საბოლოოდ გამოავლინა ორი თანაბარქულიანი მოსწავლე-ბარბარე ბეჟაშვილი და ანა სხირტლაძე, რომლებმაც დააგროვეს 15-15 ქულა.დამატებითი კითხვის შემდეგ ბარბარე ბეჟაშვილმა დაიკავა პირველი ადგილი, მეორე ადგილზე გავიდა ანა სხირტლაძე, ხოლო მესამე ადგილზე- მარიამ ყაჭაშვილი.

ღონისძიების ორგანიზატორმა- თამარ აბულაძემ, გამარჯვებულ მოსწავლეებს, გადასცა სიგელები და სიმბოლური საჩუქრები.

კულტურის, სპორტისა და ახალგაზრდობის ცენტრის დირექტორმა დოდო ხუნაშვილმა მადლობა გადაუხადა მოსწავლეებსა და ორგანიზატორებს ,ასევე მათ პედაგოგებს.

ღონისძიებას ესწრებოდნენ მერიისა და ცენტრის თანამშრომლები, მონაწილე სკოლების პედაგოგები და მოსწავლეები.

ა(ა) იპ წმინდა მეფე ვახტანგ გორგასლის სახელობის სკოლა-ინტერნატში, ამავე სკოლის აღმასრულებელი დირექტორისა და ისტორიის მასწავლებლის- თეა სხირტლაძის ორგანიზებით, ჩატარდა 1989 წლის 9 აპრილისადმი მიძღვნილი ღონისძიება.

აღნიშნული ღონისძიების მიზანი იყო ის, რომ საზოგადოებისთვის კიდევ ერთხელ შეეხსენებინათ თავისუფლებისთვის დაღუპული გმირების ღვაწლი. ღონისძიების მიმდინარეობისას მონაწილეებმა გაიხსენეს უახლესი ისტორიის მოვლენები.

2 აპრილი აუტიზმის ცნობიერების ამაღლების მსოფლიო დღეა.

ა(ა)იპ წმინდა მეფე ვახტანგ გორგასლის სახელობის სკოლა ინტერნატის სააქტო დარბაზში საზოგადოების ცნობიერების ამაღლების მიზნით ჩატარდა ერთობლივი ღონისძიება .პრეზენტაციები წარმოადგინეს ამავე სკოლის Vl__VIiკლასის მოსწავლეებმა_დამრიგებლები:ევგენია ხუციშვილი და ნინო ლოლაშვილი.ასევე სსიპ ქალაქ დედოფლისწყაროს მე_2 საჯარო სკოლის პედაგოგებმა: ირინა ფიროსმანაშვილმა,ელენე პოპიაშვილმა და სოფიკო ალადაშვილმა.

შედეგი მიღწეულია.

აუტიზმის გასაღები სიყვარულია!!

2 აპრილს მეხუთე კლასში ჩატარდა სახალისო და ლოგიკური ამოცანების მათემატიკური ვიქტორინა. ოთხ ჯგუფს შორის პირველი ადგილი დაიკავა პირველმა ჯგუფმა,გუნდის კაპიტანი გვანცა ალუღიშვილი. მეორე ადგილი მეორე ჯგუფმა, გუნდის კაპიტანი ნია ზვიადაური. მესამე ადგილზე გავიდა მეოთხე ჯგუფი,გუნდის კაპიტანი - დავით ნატროშვილი. გამარჯვებულ გუნდებს გადაეცათ სიგელი, ყველა მონაწილეს ფასიანი საჩუქრები. მოსწავლეებმა მიიღეს კონკურსში მონაწილეობის გამოცდილება. წარმატებას ვუსურვებთ მეხუთე კლასის მოსწავლეებს და პედაგოგს, მზია ბაშარულს.

ჩვენი სკოლა მიმდინარე სასწავლო წელსაც იღებს მონაწილეობას საქართველოს საპატრიარქოს ახალგაზრდული ცენტრის მიერ ორგანიზებულ კონკურსში " ჩვენ ვსწავლობთ ბიბლიას." 25 მარტს ჩატარდა პირველი ტური უფროს ასაკობრივ ჯგუფში. ( X-XIIკლ.) ჩვენს მოსწავლეებთან ერთად მონაწილეობდნენ ქართულ - ინგლისური სკოლა ბრიტანიკას და თბილისის N42 საჯარო სკოლის ( ვეკუას სკოლის) გუნდები.

ვახტანგ გორგასალის სახ. სკოლა ინტერნატის სკოლის გუნდის შემადგენლობაში მონაწილეობენ მეთორმეტე კლასის მოსწავლეები: ლალი უთრუთაშვილი - კაპიტანი, გიორგი ალუღიშვილი, თებრონია ლომსაძე, მარიამ იაკობიშვილი. მათ საკმაოდ კარგად ითამაშეს და კიდევ ერთხელ ასახელეს მშობლიური სკოლა. შემდეგ ტურში გადავიდნენ +1 ქულით. დამსწრეთა შორის დიდი მოწონება დაიმსახურა მხარდამჭერთა გუნდის: ნინო ალუღიშვილის, თომა ლომსაძის და იოანე შიუკაშვილის მიერ შესრულებულმა საგალობლებმა.

პედაგოგი: ნელი აფციაური

წინ კიდევ რამდენიმე ტურის გადალახვაა საჭირო ფინალში მოსახვედრად. ვუსურვებთ წარმატებებს!

ულამაზესი ღონისძიება პრე-კლასში!

დაუნის სინდრომის დღეს მიეძღვნა ა(ა)იპ წმინდა მეფე ვახტანგ გორგასლის სახელობის სკოლა-ინტერნატის მოსწავლეთა ნახატების გამოფენა ,,მეგობრები არ ითვლიან ქრომოსომებს", რომელიც მოეწყო დედოფლისწყაროს კულტურის, სპორტისა და ახალგაზრდობის ცენტრში. მოწვეულ ბავშვებს სკოლის დირექციამ გადასცა სამახსოვრო საჩუქრები და ქარგვისა და ქსოვის წრის მოსწავლეთა მიერ დამზადებული ხელთნაკეთი ნივთები.

ა(ა)იპ წმინდა მეფე ვახტანგ გორგასლის სახელობის სკოლა ინტერნატი.
დაუნის სინდრომის საერთაშორისო დღესთან დაკავშირებით მეოთხე კლასის მოსწავლეებმა განახორციელეს პროექტი ,,ბავშვები უნდა იცინოდნენ"

დღეს(13.03.24) დედოფლისწყაროს წმინდა მეფე ვახტანგ გორგასლის სახელობის სკოლა - ინტერნატი -ს მე-10 კლასის მოსწავლეები, სამოქალაქო განათლების პროექტის ფარგლებში, ეწვივნენ რეაბილიტაცია-აბილიტაციის ცენტრ "მზეს". მოსწავლებში ემპათიის განვითარების და ცენტრის მოსარგებლეთა სოციალიზაციის მიზნით მოეწყო ერთობლივი, სახალისო აქტივობები. მადლობა ცენტრს და მის თანამშრომლებს პარტნიორობისთვის. Tea Skhirtladze Nana Popiashvili ია ფიროსმანაშვილი

2024 წლის 12 მარტს დედოფლისწყაროს წმინდა მეფე ვახტანგ გორგასლის სახელობის სკოლა - ინტერნატი ში მე-10 კლასის, სამოქალაქო განათლების პროექტის ფარგლებში, მოეწყო შეხვედრა ორგანიზაცია ერთად ცვლილებებისთვის - Together for Change -თან. მაგდა ბეჟანიშვილი და გურამ გოგოლაძე ესაუბრნენ მოსწავლეებს შშმ პირების საჭიროებებზე, ინკლუზიურ გარემოზე, უფლებებზე, საზოგადოების დამოკიდებულებაზე. მოსწავლეებმა გაითამაშეს სიმულაცია. მადლობა ორგანიზაციას საინტერესო და ნაყოფიერი დღისთვის.

მიმდინარე წლის 17 თებერვალს, დედოფლისწყაროს 14 საჯარო სკოლის 80-ზე მეტმა პროფკავშირის წევრმა მასწავლებელმა მონაწილეობა მიიღო საქართველოს პედაგოგთა და მეცნიერთა თავისუფალი პროფკავშირის ეროვნულ კონფერენციაში: ,,დანიური სწავლების მეთოდოლოგიის დანერგვა საქართველოში და მიღწეული შედეგების გაზიარება”.

ეროვნული კონფერენცია გახსნა სპმთპ-ის პრეზიდენტმა მაია კობახიძემ. მან ისაუბრა სპმთპ-ის საქმიანობასა და პედაგოგთათვის საინტერესო და აქტუალურ საკითხებზე. მაია კობახიძემ მადლობა გადაუხადა სპმთპ-ის დედოფლისწყაროს რაიონული ორგანიზაციის თავმჯდომარეს, მაყვალა მაძღარაშვილს ეროვნული კონფერენციის მასპინძლობისთვის, რომლის ინიციატორებიც იყვნენ ქ. თბილისის N215 საჯარო სკოლის დირექტორი თამილა თამაზაშვილი და დანიური-ქართული პროექტის კოორდინატორი, სპმთპ-ი ტყიბულის რაიონული ორგანიზაციის თავმჯდომარე, მენტორი მასწავლებელი, ექსპერტი ეკა ჭელიძე.

კონფერენციას ესწრებოდნენ: სპმთპ-ის აღმასრულებელი ვიცე-პრეზიდენტი მარი ალუღიშვილი, ვიცე-პრეზიდენტი საფინანსო საკითხებში ნათია კორძაძე, სპმთპ-ის ,,პროფესიონალ მასწავლებელთა საკონსულტაციო საბჭოს” თავმჯდომარე, ექსპერტი და მენტორი მასწავლებელი როლანდ ხოჯანაშვილი, სპმთპ-ის სამგორის და ხარაგაულის რაიონული ლიდერები გულიკო ამილიძე და ლალი სებისკვერაძე.

კონფერენციის მონაწილეებს სიტყვით მიმართეს: დედოფლისწყაროს მუნიციპალიტეტის მერის მოადგილემ მალხაზ მერაბიშვილმა და საგანმანთლებლო რესურსცენტრის უფროსმა მაკა ჯანაშვილმა. კონფერენციის მუშაობაში მონაწილეობა მიიღეს: დედოფლისწყაროს მერიის კულტურის, სპორტის და განათლების სამსახურის უფროსმა ქალბატონმა თამარ თამაზაშვილმა, მუნიციპალიტეტის სკოლის დირექტორებმა, პედაგოგებმა ლაგოდეხიდან და სიღნაღიდან, ტრადიციულად, მაღალი საფეხურის მოსწავლემ როლანდ ხოჯანაშვილის მომავალი მასწავლებლების ჯგუფიდან-ქ. ყვარლის N 2 საჯარო სკოლის XI კლასის მოსწავლემ მარიამ ოჩინსკიმ.

კონფერენციის დაწყებამდე, დედოფლისწყაროს საპატრიარქოს სკოლის მოსწავლეებმა ქართული ხალხური სიმღერები შეასრულეს.

დამსწრე კოლეგებს, დანიელი მასწავლებლებისგან გაზიარებული და ქართულ რეალობაში დანერგილი საუკეთესო აქტივობები წარუდგინეს დანიურ-ქართული პროექტის მონაწილე მასწავლებლებმა თბილისიდან, ხარაგაულიდან, ქუთაისიდან, ყვარლიდან, გარდაბნიდან. Tsaro Khardziani მარი წიკლაური Madona Ulumbelashvili Marina Vepkhvadze Mzeo Beridze ქეთი კილასონია Maia Tsikoridze @სოფო კოხრეიძე.

მომხსენებელთა პრეზენტაციებმა კონფერენციის მონაწილეებს შორის დიდი ინტერესი გამოიწვია. მასწავლებლებმა, საინტერესო მეთოდოლოგიების გაცნობის პარალელურად, მსმენელების მონაწილეობით, პრაქტიკულად განახორციელეს ინოვაციური აქტივობები.

კონფერენციის დასკვნით ეტაპზე, მასპინძელი რაიონის წარმატებულმა პედაგოგებმა: საქართველოში პირველმა წამყვანმა სპეციალურმა მასწავლებელმა და 2019 წლის საუკეთესო სპეციალურმა მასწავლებელმა ირინა ფიროსმანიშვილმა, ინგლისური ენის მენტორმა მასწავლებლებმა მარინა შანშიაშვილმა და ეკა სეფიაშვილმა საკუთარი საუკეთესო პრაქტიკა გააზიარეს, მიიღეს უკუკავშირი და დიდი მოწონება დაიმსახურეს.

კონფერენცია შეაჯამა ,,სპმთპ-ის პროფესიონალ მასწავლებელთა საკონსულტაციო საბჭოს” თავმჯდომარემ როლანდ ხოჯანაშვილი -მა. მან აღნიშნა, რომ დანიური გამოცდილება ის დიდი კაპიტალია, რომელიც საქართველოს პედაგოგთა და მეცნიერთა თავისუფალმა პროფკავშირმა მოუტანა საქართველოს საგანმანათლებლო სისტემას.

,,დანიური გამოცდილების ყველა მასწავლებლამდე მიტანა საჭიროა იმისთვის, რომ თვალი გავუსწოროთ ნებისმიერ გამოწვევას საგანმანათლებლო სფეროში. დანიელი კონსტრუქტივისტი მასწავლებლების პრაქტიკის გაზიარება ჩვენთვის, საქართველოს მასწავლებლებისთვის, ნიშნავს იმას, რომ თანამედროვე მოთხოვნებს ვუპასუხოთ დროულად და ეფექტიანად. სასიამოვნო ფაქტია, რომ დანიური პროექტის მონაწილეთა გარდა დედოფლისწყაროელმა პედაგოგებმაც გვაჩვენეს საუცხოო პრაქტიკა. მიხარია, რომ საქართველოში ერთ-ერთი პირველი წამყვანის სტატუსის მქონე სპეც-მასწავლებელი გავიცანი, რომლის პედაგოგიური მოღვაწეობა განზოგადებული უნდა იქნეს ეროვნულ დონეზე”-განაცხადა როლანდ ხოჯანაშვილმა.

სპმთპ, საქართველოს საჯარო სკოლების წარმატებულ პროფკავშირის წევრ პედაგოგებთან ერთად აგრძელებს 2017 წლიდან დაწყებული დანიური პროექტის ფარგლებში შესწავლილი წარმატებული აქტივობების გაზიარებისა და საგაკვეთილო პროცესში დანერგვის ღონისძიებებს.

სპმთპ მადლობას უხდის დედოფლისწყაროს საპატრიარქოს სკოლის დირექტორს თეა სხირტლაძეს, ეროვნული კონფერენციის მონაწილე მასწავლებელთა საზოგადოებისთვის შემეცნებითად და შემოქმედებითად დატვირთული დღის მასპინძლობისთვის!

ა(ა)იპ წმინდა მეფე ვახტანგ გორგასლის სახელობის სკოლის უნიჭიერესმა მოსწავლეებმა და პედაგოგებმა ამავე სკოლის მშობლებს მიულოცეს დედის დღე.

მშობლებს გადაეცათ პედაგოგებისგან საჩუქრად ყვავილები და მისალოცი ბარათები,

პედაგოგები კი-დირექციამ დაასაჩუქრა!

გვინდა, კიდევ ერთხელ მივულოცოთ ჩვენს უსაყვარლეს მშობლებს დედის დღე და უამრავი წარმატება ვუსურვოთ.