ჩვენი სკოლის სახელით გულითადად ვულოცავთ ჩვენს ძვირფას კურსდამთავრებულებს სტუდენტობას! ❤️
დღეს თქვენი ცხოვრების ახალი, მნიშვნელოვანი ეტაპი იწყება. წინ გელოდებათ ახალი ცოდნა, შესაძლებლობები, მეგობრები, გამოწვევები და უამრავი საინტერესო თავგადასავალი.
გვჯერა, რომ იმ ღირებულებებსა და ცოდნას, რომლებიც ჩვენს სკოლაში შეიძინეთ, მომავალშიც ღირსეულად გააგრძელებთ და თქვენი წარმატებით კიდევ არაერთხელ გაგვახარებთ.
გისურვებთ წარმატებულ სტუდენტურ წლებს, საინტერესო გამოცდილებებს, დასახული მიზნების მიღწევასა და ნათელ მომავალს! ✨
ამაყად გიყურებთ და ყოველთვის გვეამაყებით!
წარმატებები, ჩვენო კურსდამთავრებულებო! ❤️🎓
სიახლეები
🎓 გილოცავთ სტუდენტობას! 🎓
05/09/2026
ვულოცავთ ჩვენს ნიჭიერ მოსწავლეებს
05/09/2026ვულოცავთ ჩვენს ნიჭიერ მოსწავლეებს — მარიამ ბაიდოშვილსა და დაჩი პოპიაშვილს ბათუმის საერთაშორისო ტურნირზე „დელფინის თასზე“ მიღწეულ წარმატებას!
მარიამმა 8 წლამდე გოგონათა შორის პირველი ადგილი დაიკავა, ხოლო დაჩიმ თავის ასაკობრივ ჯგუფში მე-5 ადგილი მოიპოვა და ვაჟებს შორის მე-3 შედეგი აჩვენა.
ვამაყობთ ჩვენი მოსწავლეებით და მათი წარმატებებით!
განსაკუთრებული მადლობა მათ მწვრთნელს, ბატონ გიორგი კიკილაშვილს, თავდადებული შრომისა და პროფესიონალიზმისთვის.
ვუსურვებთ მარიამსა და დაჩის კიდევ უამრავ გამარჯვებას!
დედოფლისწყაროელების მორიგი წარმატებაამჯერად ბათუმის საერთაშორისო ტურნირი- დელფინის თასი: მარიამ ბაიდოშვილმა 8 წლიან გოგონებში გამარჯვება მოიპოვა და კიდევ ერთხელ გაგვახარა დედოფლისწყაროს ჭადრაკის მოყვარულები.
ტურნირი ჩატარდა ღია რეჟიმში, ანუ თვითოეულ ასაკობრივ ჯგუფში ვაჟები და გოგონები ერთ ჯგუფში იყვნენ გაერთიანებულნი და შესაბამისად, ყოველ ტურში პროგრამული კენჭისყრით ხვდებოდნენ ერთმანეთს. 7 ტურიდან მარიამს 6 ვაჟთან მოუწია ბრძოლა. მოიგო 4, ერთი ფრედ დაამთავრა. აღსანიშნავია, რომ ვაჟებში ყველაზე მაღალი ქულის მქონე მოჭადრაკესთან (ონისე ჩიტაია) მარიამმა ბრწყინვალე გამარჯვება მოიპოვა!
ტურნირში დედოფლისწყაროს ღირსებას მეორე მოჭადრაკეც იცავდა- დაჩი პოპიაშვილი. 8 წლამდე ასაკის ჯგუფში დაჩიმ საერთო სიაში მე-5-ე ადგილი დაიკავა და ტურნირის დებულების შესაბამისად სიგელი და ფასიანი საჩუქარი დაიმსახურა. დაჩიმ ვაჟებს შორის მე-3-ე პოზიცია მოირგო და სერიოზული განაცხადი გააკეთა შემდგომ წარმატებებზე. ვულოცავ დაჩის ამ მიღწევას და ვუსურვებ ჭადრაკის ხელოვნების უფრო ღრმად დაუფლებას.
ტურნირში 18 მოჭადრაკედან 6 გოგონა იყო, 11 ვაჟი (მათგან 7 საზღვარგარეთის მოქალაქე) და სასიხარულოა, რომ 8 წლამდე ასაკის ჯგუფში ჩვენი ქვეყნის წარმომადგენლებმა არცერთი საპრიზო ადგილი არ დათმეს.
ცოტა ხნის წინ, რაჭაში მარიამის გამარჯვებას სკეპტიკოსებმა ეჭვის თვალით შეხედეს. დღეს, ბათუმში მარიამმა დაამტკიცა თავისი ,,მარიამობა“!. მე კი ახლა ყველას გასაგონად მინდა განვაცხადო: ამ ,,ციცქნამ“ თუ გააგრძელა საკუთარ თავთან იმ დოზით მუშაობა, როგორც ამჟამად ახერხებს, მაშინ გჯეროდეთ: მისი სახით მოდის ნონა, ნანა, ნანა, მაია და ,,დაე, იარონ, იარონ, იარონ, ამინ!“
წარმატებები მარიამს
05/09/2026უამრავ წინსვლას და წარმატებას გისურვებ მარიამ
ახალგაზრდული ინოვაციების ცენტრი / Youth Innovations' Center უღრმესი მადლობა
მარიამ ბაიდოშვილი - პატარა მოჭადრაკე
05/09/2026ჩვენი სკოლის უნიჭიერესმა მოსწავლემ, მარიამ ბაიდოშვილმა, კვლავ მიაღწია წარმატებას ჭადრაკში!
ვულოცავთ მარიამს ამ მნიშვნელოვან გამარჯვებას და ვუსურვებთ კიდევ უამრავ წარმატებას, გამარჯვებასა და წინსვლას!
განსაკუთრებული მადლობა და მილოცვა მარიამის მასწავლებელს, ბატონ გიორგი კიკილაშვილს, თავდადებული შრომისა და პროფესიონალიზმისთვის.
ვამაყობთ ჩვენი ნიჭიერი მოსწავლით და გვჯერა, რომ წინ კიდევ ბევრი დიდი გამარჯვებაა!
მივმართავ დედოფლისწყაროს ჭადრაკის მოყვარულებს, დაიმახსოვრეთ: მარიამ ბაიდოშვილი!!!
1-7 აგვისტოს ამბროლაურში გაიმართა საჭადრაკო ფესტივალი: რაჭა- 2026 (საერთაშორისო ტურნირი), სადაც 8 წლამდე ასაკის გოგონათა ჯგუფში გამარჯვებულია ქ. დედოფლისწყაროში მცხოვრები ჭადრაკის წრის მოსწავლე მარიამ ბაიდოშვილი. მივულოცოთ მას ეს წარმატება!
გასახარია აღნიშნული ფაქტი იმითაც, რომ მარიამმა 7 ტურიდან შვიდივე მოიგო და არავითარი შანსი არ დაუტოვა მის ჯგუფში მოთამაშე 2026 წლის საქართველოს ჩემპიონს (მარიამ მიქაძე), სხვადასხვა საერთაშორისო ტურნირებში გამარჯვებულ თანატოლებს.
მარიამი ტურნირზე შეხვდა მის ჯგუფში მოთამაშე ყველა პრიზიორს და ჩემპიონობის კანდიდატს და სიხარულით მინდა ავღნიშნო, რომ არც-ერთთან უარესი პოზიციიდან არ ,,დაუძვრენია" თავი, არამედ იგი დასაწყისშივე (დებიუტი) შემტევ პოზიციას ამჯობინებს და საოცარი ფილიგრანული საჭადრაკო ტექნიკის გამოყენებით ახერხებს მოწინააღმდეგის დაშამათებას!
მარიამი წელი და 3 თვეა ეუფლება ჭადრაკის სიბრძნეს. არის უაღრესად თავმდაბალი, ნაკლებად ემოციური, ნაყოფიერი ფიქრით დაჯილდოვებული, ჭადრაკის დაფის 64-ვე უჯრის მაკონტროლებელი უნარით შემკული ,,ციცქნა" მოჭადრაკე!
უნდა აღინიშნოს მარიამის ძლიერი ნებელობითი მხარე, რომლის წყალობითაც იგი პედაგოგის გარეშე, მხოლოდ საკუთარ თავთან დღეში სამ საათზე მეტს მუშაობს ჭადრაკის ,,ლაბირინთების" დაძლევის ხერხებზე და აი, შედეგმაც არ დააყოვნა!
კიდევ ერთხელ მივულოცოთ მას ეს წარმატება და ღვთის დიდებისათვის ვუსურვოთ დედოფლისწყაროს, ქიზიყის და მთლიანი საქართველოს შემდგომი წარმატებები, ამინ!!!
მოგზაურობა ყაზბეგში
05/09/2026დამთავრდა ჩვენი დაუვიწყარი ოთხდღიანი მოგზაურობა ყაზბეგში – საოცარ ადგილას, სადაც ბუნების სილამაზე, სიმშვიდე და სუფთა ჰაერი ბედნიერებითა და დადებითი ემოციებით გავსებს.
დიდი მადლობა, სპმთპ დედოფლისწყაროს რაიონული ორგანიზაციის ხელმძღვანელს ქალბატონ მაყვალა მაძღარაშვილს, თანადგომისა და მზრუნველობისთვის. ის ყოველთვის ჩვენს გვერდით არის.
მადლობა ამ ლამაზი დღეებისთვის, ემოციებისთვის და მოგონებებისთვის,
როგორც ყოველთვის, საოცარი დღეები გავატარეთ ყაზბეგში. ბუნების სილამაზე, სუფთა ჰაერი, სიმშვიდე და დაუვიწყარი ემოციები – ეს არის ადგილი, სადაც ყოველთვის სიამოვნებით დავბრუნდებით.მადლობა ამ ულამაზეს მოგზაურობასა და ერთად გატარებული ბედნიერი წუთებისთვის.36
ქეთევან ყაჭაშვილს ვულოცავთ FLEX-ის გაცვლითი პროგრამის ფინალისტობას!
05/09/2026კიდევ ერთხელ ვულოცავთ ჩვენი სკოლის მოსწავლეს ქეთევან ყაჭაშვილს FLEX-ის გაცვლითი პროგრამის ფინალისტობას!
უკვე სულ მალე იგი ერთი სასწავლო წლით ამერიკის შეერთებულ შტატებში გაემგზავრება. დარწმუნებული ვართ, ეს წელი მისთვის ახალი ცოდნით, საინტერესო გამოცდილებითა და დაუვიწყარი მოგონებებით იქნება სავსე.
მომდევნო ერთი წლის განმავლობაში ჩვენი სკოლის საზოგადოებას პერიოდულად გაუზიარებს ამერიკაში მიღებულ გამოცდილებას, შთაბეჭდილებებსა და საინტერესო ისტორიებს.
ვუსურვებთ წარმატებებს, ბედნიერ მოგზაურობას და დაუვიწყარ თავგადასავალს!
სკოლის სახელით გულითად მადლობას გიხდით
05/09/2026წმიდა მეფე ვახტანგ გორგასლის სახელობის სკოლის სახელით გულითად მადლობას გიხდით ჩვენს ძვირფას სტუმრებს — წმინდა ალექსი შუშანიას სახელობის მართლმადიდებლური სკოლა-გიმნაზიის პედაგოგებს, მოსწავლეებსა და მშობლებს იმ დიდი სიყვარულისთვის, თბილი სიტყვებისა და გულწრფელი ემოციებისთვის, რომლებიც სკოლის, პედაგოგიური კოლექტივსა და ჩვენი უძვირფასესი დირექტორის მიმართ გამოხატეთ. ✨
✨ თქვენი სტუმრობა ჩვენთვის მხოლოდ შეხვედრა არ ყოფილა — ეს იყო სიყვარულით, სითბოთი და ქრისტიანული ძმობით გამთბარი დღე, რომელმაც კიდევ ერთხელ შეგვახსენა, რომ საერთო სარწმუნოება, ერთგულება და კეთილგანწყობა ადამიანებს უხილავი, მაგრამ მტკიცე ძაფით აკავშირებს. 🙏
🏫 უდიდესი სიხარულია, როდესაც ჩვენი სკოლის ოჯახური გარემო, ურთიერთპატივისცემა და გულით გაზიარებული სიყვარული სტუმრების გულშიც ასეთ ნათელ კვალს ტოვებს. სწორედ ასეთი შეხვედრები გვაძლიერებს, გვამხნევებს და გვარწმუნებს, რომ სიკეთე ყოველთვის მრავალგზის ბრუნდება.
💐 განსაკუთრებული მადლობა თითოეულ პედაგოგს, მოსწავლეს, მშობელსა და ყველა იმ ადამიანს, რომელმაც ამ დღის სილამაზისა და სულიერი სიხარულის შექმნაში საკუთარი წვლილი შეიტანა.
🤝 გვწამს, რომ ჩვენი მეგობრობა და სულიერი ერთობა მომავალშიც გაგრძელდება და უფლის წყალობით კიდევ მრავალ მადლიან შეხვედრას ერთად ვიზეიმებთ.
უფალი იყოს ჩვენი მეგობრობისა და ერთობის მარადიული შემწე!11
დრო მიდის, მონატრება კი უცვლელია...
05/09/2026დღეს 19 ივნისია — მეუფე დიმიტრის დაბადების დღე. უკვე ოთხი წელია, რაც ამ დღეს სევდით, უსაზღვრო მონატრებითა და მადლიერებით ვხვდებით.
ფიზიკური განშორების ტკივილი კვლავაც ცოცხალია, თუმცა მას მეუფის დატოვებული სულიერი მამობის ხსოვნა და უპირობო სიყვარული ათბობს.
მეუფე დიმიტრიმ წარუშლელი კვალი დატოვა ხორნაბუჯისა და ჰერეთის ეპარქიასა და ჩვენი სკოლის ცხოვრებაში.
მისი მზრუნველობა და ქრისტიანული თავდადება დღესაც ცოცხლობს თითოეული ჩვენგანის გულში.
ვიხსენებთ მას ცრემლითა და ტკივილით, ვლოცულობთ მისი სულისთვის და მადლობას ვწირავთ უფალს, რომ მისი მამობრივი მზრუნველობის ქვეშ ვცხოვრობდით.
მარადიული ხსოვნა ხორნაბუჯისა და ჰერეთის ეპისკოპოს დიმიტრის!
დაბადების დღეს გილოცავთ, მეუფეო! თქვენ მუდამ ჩვენს გულებში ხართ...
„ქართველნო, ერთად ღვთისაკენ!“
03/07/2026ისტორია, რწმენა და თავდადება!
ქვეყნის სულიერი სიმტკიცე მის მესაჭეებზე დგას. ამ ვიდეოში ნახავთ უნიკალურ კადრებსა და შეჯამებას ორი გამორჩეული მწყემსმთავრის მოღვაწეობისა:
* უწმინდესი და უნეტარესი ილია II – ადამიანი, რომელმაც მთელი ეპოქა შექმნა.
* ეპისკოპოსი დიმიტრი (კაპანაძე) – ხორნაბუჯისა და ჰერეთის ეპარქიის ერთგული მსახური, რომლის ღვაწლიც თითოეული ჩვენგანისთვის სამაგალითოა.
აღსანიშნავია, რომ ეს ემოციური შეჯამება პატრიარქის დაარსებულ სკოლაში, მეუფე დიმიტრის აღზრდილმა მოსწავლეებმა მოამზადეს მასწავლებლებთან ერთად!
ღონისძიების მთავარი სლოგანი – „ქართველნო, ერთად ღვთისაკენ!“ – დღეს კიდევ უფრო აქტუალურად ჟღერს და თითოეულ ჩვენგანს ერთობისკენ მოგვიწოდებს.
ეს არის განვლილი გზა, თავდადება და ის უდიდესი ღვაწლი, რომელიც მათ ჩვენი ქვეყნისა და ეკლესიის გაძლიერებისთვის გასწიეს – ისტორია, რომელიც თითოეულ ქართველში აღძრავს სიამაყეს, სიყვარულსა და რწმენას.
უყურეთ სრულ ვიდეოს იუთუბზე, გაუზიარეთ მეგობრებს და ერთად შევიგრძნოთ ეს სულიერი ერთობა:
კიდევ ერთი საამაყო წელი ჩვენი სკოლის ისტორიაში!
03/07/2026როგორც ყოველ წელს, დედოფლისწყაროს წმინდა მეფე ვახტანგ გორგასლის სახელობის სკოლა ამაყობს თავისი წარმატებული მოსწავლეებით. მიმდინარე სასწავლო წლის შედეგებით, ჩვენს სკოლას ჰყავს 2 ოქროსა და 2 ვერცხლის მედლის კანდიდატი.
ეს მიღწევა მათი დაუღალავი შრომის, პასუხისმგებლობის, ცოდნისადმი სიყვარულისა და მიზანდასახულობის ნათელი მაგალითია. თითოეული წარმატება არა მხოლოდ მოსწავლის, არამედ მისი ოჯახის, მასწავლებლებისა და მთელი სასკოლო საზოგადოების ერთობლივი ძალისხმევის შედეგია.
გულითადად ვულოცავთ ჩვენს მოსწავლეებს ამ მნიშვნელოვან წარმატებას და ვუსურვებთ, რომ მათი მომავალი გზა სავსე იყოს ახალი შესაძლებლობებით, გამარჯვებებითა და ღირსეული მიღწევებით.
გვეამაყებით და გვჯერა, რომ მომავალშიც არაერთხელ ასახელებთ ჩვენს სკოლას!
ღონისძიება
03/07/2026ა(ა)იპ წმინდა მეფე ვახტანგ გორგასალის სახელობის სკოლის მე-3 კლასის მოსწავლეებმა ღონისძიებაზე საქართველოს კუთხეების შეუდარებელ, ტურფა მთა-ბარს უამრავი მზრუნველი სიტყვა, დალოცვა თუ ფიცი მიუძღვნეს. წინაპართა ნასისხლარ მიწა, ლამპრად და ხატებად ქცეულ ქართულ წესებს და ადათებს ხალხური საკრავებით მიუალერსეს. მათი უსასრულო ნატვრა ხომ ყველა ქართველისთვის სულისშემძვრელია: ,,ღმერთო, ერთხელ სიკვდილამდე შემაგებე აფხაზეთში გათენებულ საქართველოს!" ქართული ცეკვებით ანთებული სცენა ღონისძიების დასასრულს საქართველოს რუკის დანაწევრებული კუთხეების აწყობით დამშვენდა. დაე, ასეთი სიამაყით გაგებრწყინებინოთ საქართველოს მომავალი! პედაგოგი ნანა ზურაშვილი
სპორტი
10/06/2026ა(ა)იპ წმინდა მეფე ვახტანგ გორგასალის სახელობის სკოლის მე-5 კლასის მოსწავლემ სურენ ტუმასიანმა კიდევ ერთხელ გაგვახარა, მან კიკბოქსინგისა და ტაიბოქსინგის XXXIII-ე საქართველოს ეროვნულ ჩემპიონატზე დაიკავა დამსახურებული პირველი ადგილი. ვულოცავთ სურენას და მომავალშიც ულევ წარმატებებს ვუსურვებთ.
ღონისძიება
10/06/20267 ივნისს ჩვენს სკოლაში განსაკუთრებული სულიერი მნიშვნელობის ღონისძიება გაიმართა, რომელიც მიეძღვნა სრულიად საქართველოს კათოლიკოს-პატრიარქ ილია II-სა და ხორნაბუჯისა და ჰერეთის ეპისკოპოს დიმიტრის.
ამ დღეს სიტყვამ, სიმღერამ და მოგონებამ გააცოცხლა ორი გამორჩეული სასულიერო მოღვაწის ღვაწლი და განვლილი გზა. მოსწავლეებმა სიყვარულითა და პატივისცემით გაიხსენეს მათი ცხოვრება, ეკლესიისა და ერის წინაშე თავდადებული მსახურება, სიბრძნე, რომელიც თაობებს გზას უნათებს.
მოსწავლეთა და მასწავლებელთა ერთობლივი ჩართულობით კიდევ ერთხელ შევეხეთ იმ სულიერ მემკვიდრეობას, რომელიც მათ დაგვიტოვეს — რწმენით, სიყვარულითა და სამშობლოსადმი ერთგულებით განმსჭვალულ გზას.
**„ქართველნო, ერთად ღვთისაკენ!“** — ეს სიტყვები ღონისძიების მთავარ გზავნილად იქცა და კიდევ ერთხელ შეგვახსენა, რომ ერის ძალა ერთობაში, რწმენასა და ღვთისკენ სწრაფვაშია.
35
"ნახატები ბიბლიურ თემებზე"
10/06/2026ანამარია გონაშვილი, მარიამ ბაიდოშვილი, ნატალია სესიტაშვილი, გაბრიელ დავითაშვილი, მარიამ დავითაშვილი, სანდრო კიკილაშვილი და მარიამ თეთვაძე მონაწილეობას იღებენ საპატრიარქოს ახალგაზრდული ცენტრის მიერ გამოცხადებულ კონკურსში "ნახატები ბიბლიურ თემებზე". 5 ივნისს გაიმართა II ტური_ "ხატვის დღე". მოსწავლეებს წაუკითხეს ამონარიდი ძველი და ახალი აღთქმიდან, რომლის მიხედვითაც კონკურსანტებმა შეასრულეს ნახატი. ჩვენს მოსწავლეებს ვუსურვებთ წარმატებებს! პედაგოგი ქეთევან საბიაშვილი.
3
მედიაწიგნიერების პროექტი
10/06/2026დასრულდა ორთვიანი მედიაწიგნიერების პროექტი — საინტერესო, შემეცნებითი და მრავალი სასიამოვნო ემოციით სავსე პერიოდი, რომელმაც მონაწილეებს ახალი ცოდნა, გამოცდილება და საინტერესო შთაბეჭდილებები შესძინა. პროექტის ფარგლებში განხორციელდა მრავალფეროვანი და შემოქმედებითი აქტივობები, რომლებმაც ხელი შეუწყო როგორც მედიაწიგნიერების უნარების განვითარებას, ასევე სხვადასხვა სკოლის მასწავლებლებსა და მოსწავლეებს შორის გამოცდილების გაზიარებასა და თანამშრომლობას.
განსაკუთრებული მადლობა პროექტის ორგანიზატორს, ნათია კოხოძეს, საინტერესო, შინაარსიანი და მრავალფეროვანი აქტივობების დაგეგმვისა და წარმატებით განხორციელებისთვის, ასევე სხვადასხვა სკოლის წარმომადგენლების გაერთიანებისა და სასიამოვნო, მეგობრული გარემოს შექმნისთვის.
პროექტის დასასრულს მონაწილეებს გადაეცათ სერტიფიკატები, რაც ამ საინტერესო და ნაყოფიერი პერიოდის კიდევ ერთი მნიშვნელოვანი და დასამახსოვრებელი დასასრული გახდა.
სასკოლო ოლიმპიადა
10/06/2026საბუნებისმეტყველო მეცნიერებების, მათემატიკის და ისტის კათედრის ორგანიზებით მე-8,9,10,11 კლასის მოსწავლეებისთვის ჩატარდა შიდა სასკოლო ოლიმპიადა. კონკურსს შედეგების მიხედვით პირველი, მეორე და მესამე ადგილი მერვე კლასელმა მოსწავლეებმა მოიპოვეს. ოლიმპიადაში მონაწილეებმა გამოამჟღავნეს საგნობრივი ცოდნა და ლოგიკური აზროვნება. პირველი ადგილი - მარიამ ყაჭაშვილი. მეორე ადგილი - თათული ნადირაშვილი და ბარბარე ბეჟაშვილი.მესამე ადგილი - ქეთევან ჯინაშვილი და ნინო ზურიკაშვილი. ვულოცავთ გამარჯვებულებს და ყველა მონაწილეს მიღწეულ შედეგებს. ვუსურვებთ მომავალში წარმატებებს ცოდნის გაღრმავებას და მიზნების მიღწევას.
„დაცული ტერიტორიების როლი კლიმატის ცვლილებებზე“
10/06/2026მარიამჯვრის დაცულ ტერიტორიაზე გაიმართა დაცული ტერიტორიების ადმინისტრაციის მიერ გამოცხადებული კონკურსის „დაცული ტერიტორიების როლი კლიმატის ცვლილებებზე“ გამარჯვებულთა დაჯილდოების ცერემონია.
სასიამოვნოა აღინიშნოს, რომ კონკურსში გამარჯვება მოიპოვა სკოლის XI კლასის მოსწავლემ ელენე გიგაურმა, რომელმაც ღირსეულად წარმოაჩინა საკუთარი ცოდნა, შემოქმედებითი ხედვა და გარემოსდაცვითი საკითხებისადმი პასუხისმგებლიანი დამოკიდებულება.
კონკურსში აქტიურად მონაწილეობდნენ ასევე IX კლასის მოსწავლე ანამარია ფიროსმანაშვილი და VII კლასის მოსწავლე მარიამ თეთვაძე, რომლებმაც მნიშვნელოვანი ინტერესი და ჩართულობა გამოავლინეს კლიმატის ცვლილებებისა და ბუნების დაცვის საკითხების მიმართ.
დაჯილდოების ღონისძიებას ესწრებოდა მოსწავლეთა პედაგოგი ნინო მეხრიშვილი, რომელიც მუდმივად უწყობს ხელს მოსწავლეთა გარემოსდაცვითი ცნობიერების ამაღლებასა და სხვადასხვა საგანმანათლებლო აქტივობებში მათ ჩართვას.
სკოლა მადლობას უხდის ჭაჭუნას დაცული ტერიტორიების ადმინისტრაციას კონკურსის ორგანიზებისა და ახალგაზრდების მხარდაჭერისთვის, ასევე ნათია ზურაშვილი თანამშრომლობისა და ყურადღებისთვის.
ვულოცავთ ელენე გიგაურს დამსახურებულ გამარჯვებას, ხოლო კონკურსის ყველა მონაწილეს ვუსურვებთ მომავალშიც წარმატებებს, ახალ შესაძლებლობებსა და საინტერესო მიღწევებს!
საინჟინრო ტექნოლოგიური კვირეული
10/06/202622-26 მაისს გურჯაანის ტექნოპარკში მიმდინარეობდა საინჟინრო ტექნოლოგიური კვირეული. ჩვენი სკოლიდან მონაწილეობას იღებდა 20 მოსწავლე. ისინი გადანაწილდნენ ჯგუფებში სხვა სკოლების მოსწავლეებთან ერთად და დემო დღეს წარმოადგინეს საინტერესო ინოვაციური პროექტები. ჟიურის მოწონება დაიმსახურა პროექტმა ,,ჭკვიანი ხიდი", რისთვისაც ჩვენს სკოლას გადაეცემა არდუინოს ორი კომპლექტი. ჟურნალისტები ასევე დაინტერესდნენ სარწყავი სისტემის პროექტით. დღეს მეტად საყურადღებოა პროექტები მწვანე ინჟინერიის მიმართულებით. ჩვენმა მოსწავლეებმა ჟიურის წარუდგინეს ოთხი პროექტი და პროტოტიპების მეშვეობით აჩვენეს მათი მუშაობის პრინციპი. ვულოცავთ ჩვენს მოსწავლეებს ტექნოლოგიურ კვირეულში წარმატებულ მონაწილეობას. სკოლა შემდგომშიც გააგრძელებს მოსწავლეთა ხელშეწყობას STEM მიმართულებით.
5
ინგლისური ენის კონკურსი
05/06/2026დიდი სიამაყით გვინდა გაგიზიაროთ დედოფლისწყაროს წმინდა მეფე ვახტანგ გორგასალის სახელობის სკოლის მე _5 კლასის მოსწავლის, დემეტრე ბეჟაშვილის, განსაკუთრებული წარმატება!
დემეტრემ მონაწილეობა მიიღო LingoStar 2026-ის ინგლისური ენის კონკურსში, წარმატებით გაიარა ინგლისური ენის ტესტირების ეტაპები და გასაუბრება, სადაც მაქსიმალური ქულა მოიპოვა. მიღწეული შედეგით იგი მოხვდა ტოპ 10-ში, გადავიდა სუპერფინალში და მოიგო LINGOSTAR Global Leadership Camp-ის საგზური!
ეს ბანაკი მონაწილეებს აძლევს შესაძლებლობას, მიიღონ საერთაშორისო საგანმანათლებლო გამოცდილება, გაიუმჯობესონ ინგლისური ენის ცოდნა, განივითარონ ლიდერული უნარები და ჩაერთონ მრავალფეროვან აქტივობებში მათ შორის გუნდურ მუშაობაში, საჯარო გამოსვლებში, ინოვაციურ სესიებში, AI Lab-ში და გლობალური მოქალაქეობის თემებზე ტრენინგებში.
ვულოცავთ დემეტრეს ამ მნიშვნელოვან მიღწევას! ვუსურვებთ წარმატებებს და კიდევ ბევრ გამარჯვებას მომავალში!
ჩვენი პატარა პირველ კლასელები
05/06/2026ჩვენი პატარა პირველ კლასელები ანბანის ჯადოსნურ სამყაროს დაემშვიდობნენ და ცოდნის ახალ გზაზე გადადგეს კიდევ ერთი მნიშვნელოვანი ნაბიჯი. ეს დღე სავსე იყო ღიმილით, ემოციებით, ლექსებითა და სიმღერებით. თითოეულმა ბავშვმა გვაჩვენა, როგორ გაიზარდა და რამდენად ლამაზად დაუმეგობრდა ქართულ ანბანს. ვულოცავ ჩვენს ჭკვიან, მონდომებულ და წარმატებულ მოსწავლეებს ანბანის დღესასწაულს. წინ კიდევ ბევრი საინტერესო წიგნი, ახალი სიტყვა და წარმატება გელოდებათ. მადლობა მშობლებს მხარდაჭერისთვის და ყველას, ვინც ეს დღე განსაკუთრებულად აქცია.
სიახლეების არქივი